Psa 131 | VulgJ | STEP | canticum graduum memento Domine David et omnis mansuetudinis eius canticum graduum memento Domine David et omnis adflictionis eius

Psalms 131

1 canticum graduum memento Domine David et omnis mansuetudinis eius ^va 2 sicut iuravit Domino votum vovit Deo Iacob ^va 3 si introiero in tabernaculum domus meae si ascendero in lectum strati mei ^va 4 si dedero somnum oculis meis et palpebris meis dormitationem ^va 5 et requiem temporibus meis donec inveniam locum Domino tabernaculum Deo Iacob ^va 6 ecce audivimus eam in Efrata invenimus eam in campis silvae ^va 7 introibimus in tabernacula eius adorabimus in loco ubi steterunt pedes eius ^va 8 surge Domine in requiem tuam tu et arca sanctificationis tuae ^va 9 sacerdotes tui induentur iustitia et sancti tui exultabunt ^va 10 propter David servum tuum non avertas faciem christi tui ^va 11 iuravit Dominus David veritatem et non frustrabit eum de fructu ventris tui ponam super sedem tuam ^va 12 si custodierint filii tui testamentum meum et testimonia mea haec quae docebo eos et filii eorum usque in saeculum sedebunt super sedem tuam ^va 13 quoniam elegit Dominus Sion elegit eam in habitationem sibi ^va 14 haec requies mea in saeculum saeculi hic habitabo quoniam elegi eam ^va 15 viduam eius benedicens benedicam pauperes eius saturabo panibus ^va 16 sacerdotes eius induam salutari et sancti eius exultatione exultabunt ^va 17 illic producam cornu David paravi lucernam christo meo ^va 18 inimicos eius induam confusione super ipsum autem efflorebit sanctificatio mea

^va